Ireto mpianatra ho Polisy ireto dia nahavita niatrika ny fiofanana ara-batana sy ara-tsaina nandritra ny 45 andro mialohan’ny hiatrehany ny fianarana mandritra ny 2 taona ho an’ny « Commissaires de Police » sy « Officiers de Police » raha 1 taona kosa ho an’ny « Inspecteurs de Police »  sy « Agents de Police ».

Ny Zoma 19 febroary teo moa no notanterahina ny lanonana ho fametrahana ambany faneva ireo Mpianatra ho « Commissaires de Police » sy « Officiers de Police » mitondra ny anarana andiany « REHAREHA ». Nitarika ny lanonana tamin’izany ny Minisitry ny Filaminam-bahoaka ny « Contrôleur Général de Police » RANDRIANARISON Fanomezantsoa.

Ho an’ny mpianatra ho « Inspecteurs de Police » sy « Agents de Police » izay mitondra ny anarana andiany  » IRATRA  » kosa dia omaly Sabotsy 20 febroary no nanatontosana izany tany Antsirabe ka ny Sekretera Jeneralin’ny Polisim-pirenena « Contrôleur Général de Police » RAKOTONDRAVELO Herilanto Iaingotiana no nitarika ny lanonana.